చూసి చూసి కళ్ళు కాయలాయా ...(సినిమాలు )
విని విని చెవులు చేటలాయా.. (సంగీతం)
రాసి రాసి పెన్నులో ఇంకు అవిరాయా ..
చెప్పి చెప్పి కథలు కంచికిబోయా ...
తిరిగీ తిరిగీ కాళ్ళు అరిగిపోయా ..
అవకాశం ఆమడాయా..మనసు కుదేలాయా..
బ్రతుకు భారమాయా...కలలు చిధ్రమాయా ..
ఆశలు అడియాసలాయా ..కళ్ళు కన్నీరాయా...
సృజన సొలసిపోయా ..అవార్డులు అందలమాయా..
సినెమా చిత్రమాయా ...జీవితం విచిత్రమాయా...
చెప్పుకొంటే సిగ్గాయా ..లేకపోతే వేదనాయా ...
నా కథ కవితాయా ...కవిత విమర్శాయా ...
విమర్శ ఇంధనమాయా ..ఇంధనం ధరాయా ..
రచన చాటంతాయా ....ఇక వుంటానయా ...సారమింతేనయా...!
No comments:
Post a Comment